Trending
Thursday, December 5, 2024
झापामा जङ्गली हात्तीको आक्रमणबाट एक युवकको मृत्यु भएको छ ।
जिल्लाको कचनकवल गाउँपालिका–१ स्थित चारकोशे जलथल जङ्गलसँगै जोडिएको पश्चिम देउराली सामुदायिक बनबाट निस्किएको हात्तीले मङ्गलवार अपराह्न ४ः०० बजे आक्रमण गर्दा बाह्रदशी गाउँपालिका–१ निवासी ३७ वर्षीय जगतबहादुर भुजेलको घटनास्थलमै मृत्यु भएको जिल्ला प्रहरी कार्यालय झापाले जनाएको छ ।
भुजेल सोही वनभित्र घाँस दाउरा टिपेर फर्किने क्रममा वनसँगै जोडिएको यज्ञ ओलीको खेतबारीमा हात्तीसँग जम्काभेट भएको थियो ।
वरिपरि ३–४ वटा हात्ती घुमिरहेका कारण भुजेलको शव घटनाको झण्डै ५ घण्टापछि मात्र उठाइएको र कानुनी प्रक्रिया पूरा गरी पोस्टमार्टमका लागि प्रादेशिक अस्पताल भद्रपुर लगिएको डीएसपी वसन्त पाठकले जानकारी दिनुभयो ।
जिल्ला वन कार्यालय र सशस्त्र प्रहरी समेतले साइरन बजाएर हात्ती धपाउनुपरेको थियो ।
