Trending
Friday, January 17, 2025
नेपाली कांग्रेसका वरिष्ठ नेता रामचन्द्र पौडेलले कांग्रेस संसदीय दलको नेतामा सभापति एवं प्रधानमन्त्री शेरबहादुर देउवालाई प्रस्ताव गर्ने बताउनु भएको छ ।
मंगलवार सिंहदरबारमा संसदीय दलको नेताको मनोनयनका लागि पुग्नु भएका पौडेलले सञ्चारकर्मीसँग उक्त प्रतिक्रिया दिनु भएको हो ।
अहिलेको अवस्थामा देउवालाई सर्वसम्मत संसदीय दलको नेतामा चुन्नुपर्ने पौडेलको भनाई छ। देउवा मनोनयनका लागि सिंहदरबार पुगिसक्नु भएको छ । देउवा दलबलसहित दिउँसो २ बजे सिंहदरबार पुग्नुभएको हो ।
कांग्रेस संसदीय दलमा संस्थापन इतरबाट महामन्त्री गगन थापाले उम्मेदवारी दिएका छन्।
८९ सांसद रहेको कांग्रेसमा संसदीय दलको नेता बन्न ४५ मत भए पुग्छ।
अहिलेको समीकरण हेर्दा देउवा पक्षमा ५२ सांसद रहेका छन् भने शेखर पक्षमा २४ सांसद रहेका छन्।
बाँकी सांसद वरिष्ठ नेता रामचन्द्र पौडेल, प्रकाशमान सिंह र डा शशांक कोइराला पक्षमा रहेका छन्।
