चुनावमा पराजित भएका नेताहरु निरन्तर जनताको काममा लाग्नुपर्ने : अध्यक्ष नेपाल

नेकपा एकीकृत समाजवादी पार्टीका अध्यक्ष माधवकुमार नेपालले जनतालाई पुरा हुन नसक्ने आश्वासनहरु दिँदा आफैलाई गाह्रो हुने बताउनुभएको छ ।

भक्तपुरबाट प्रतिनिधिसभा सदस्यमा निर्वाचित सांसदहरुलाई आज बधाई दिँदै अध्यक्ष नेपालले हावादारी कुरा गर्दाको परिणाम अहिले आफूहरुले देखि रहेको बताउनुभयो । जनताको आकंक्षा असिमित भएकाले नेताले सम्भव हुने कुरामात्र बोल्नु पर्ने बताउनुभयो । आंकक्षाहरु पुरा गर्न सकिँदैन तर, गर्नेपर्ने आवश्यकताहरु पुरा गर्न कोसिस गर्नुपर्ने उहाँको भनाई थियो । उहाँले चुनावमा पराजित भएका नेताहरुलाई निरन्तर जनताको काममा लाग्न पनि आग्रह गर्नुभयो । अध्यक्ष नेपालले नेपालको अर्थतन्त्र संकटबाट गुज्रिने अवस्थामा पुगेको भन्दै चिन्तासमेत व्यक्त गर्नुभयो ।

उहाँले देशको अर्थतन्त्रलाई कसरी सुधार्ने भनेर समीक्षा गर्न जरुरी भएको पनि बताउनुभयो । डलरको भाउँ बढ्दै जादा नेपालमा आर्थिक समस्या पर्दे गएको र जनशक्तिको भर पर्दो स्रोत अहिले पनि आर्थिक रुपले सम्पन्न खाडी र युरोपेली मुलुक भएको बताउनुभयो ।

नेपालको अर्थतन्त्र कमजोर भएकाले नेपालमा बस्ने स्थिति नभएको र त्यसको लागि बाहिर जानै पर्ने बाध्यता बनेको बताउनुभयो । नेपालले अझै केहि बर्ष सम्म नेपालको अवस्था यसरी नै गुज्री रहने पनि बताउनुभयो ।

नेपालले अर्थतन्त्रको बिकासकालागि सबै राजनीतिक दलले समिक्षा गर्नु पर्ने पनि बताउनुभयो ।