अर्थमन्त्री भेट्न पुग्यो नेपाल उद्योग वाणिज्य महासंघ

नेपाल उद्योग वाणिज्य महासंघको प्रतिनिधिमण्डलले अर्थमन्त्री जनार्दन शर्मासमक्ष मुलुकको अर्थतन्त्र जोगाउन सहकार्य एवं समन्वयका लागि आग्रह गरेको छ ।

महासंघका अध्यक्ष शेखर गोल्छाको नेतृत्वमा गएको महासंघ पदाधिकारी प्रतिनिधिमण्डलले अर्थतमन्त्री शर्मासमक्ष अर्थतन्त्रमा वहुुआयामिक असर परेको र वहुप्रतिक्षित चालु आर्थिक बर्षको मौद्रिक नीतिको प्रथम त्रैमासिक समिक्षाले समेत विद्यमान समस्या सम्बोधन गर्न नसकेकोतर्फ ध्यानाकर्षण गराएको हो ।

अर्थमन्त्रीसंगको भेटवार्ताको क्रममा अर्थतन्त्र जोगाऔं अभियानमा रहेको महासंघका अध्यक्ष गोल्छाले राजस्वले साधारण खर्च समेत धान्न नसक्ने अवस्था आएको भन्दै मुल्यवृद्धि सात बर्षयताकै उच्च रहेको र निजी क्षेत्र संकुचित हुदै गएको स्मरण गराउनुभयो । प्रत्यक्ष अप्रत्यक्ष रुपमा बजारलाई नियन्त्रण गर्न शुरु भएको करिब एक बर्षको अवधिमा वहुआयामिक जोखिम बढेको भन्दै सरकार र केन्द्रीय बैंकले अर्थतन्त्र जोगाउन ठोस पहल गर्नुपर्नेमा महासंघले सुझाएको छ ।

चालु पूजी मार्गदर्शन २०७९ कम्तीमा दुई बर्ष स्थगन गर्न महासंघले अर्थमन्त्री समक्ष आग्रह गरेको छ । अहिले अर्थतन्त्रले नियामक निकायबाट दण्डात्मक नभई प्रवद्र्धनात्मक सुधार माग गरिरहेको तर्फ पनि महासंघले अर्थमन्त्रीको ध्यानाकर्षण गरेको छ । ब्याजदर नघटने हो भने अर्थतन्त्र जोगाउन कठिन हुनेभन्दै महासंघले यसका लागि विभिन्न सुझाब पनि सुझाएको छ ।