दक्षिण एशियाली पत्रकारको सम्मेलन काठमाडौमा सुरु

दक्षिण एशियाली पत्रकारहरुको सम्मेलन काठमाडौमा सुरु भएको छ ।

दक्षिण एशियाको आर्थिक न्याय, लैगिंक न्याय र जलवायु न्याय सम्बन्धी मुद्धाहरुमा दक्षिण एशियाका पत्रकारहरुको साझा धारणाका बिषयमा छलफल हुने छ ।

त्यसैगरी दक्षिण एशियामा देखिएको आर्थिक मन्दी, गरीवी, उर्जा संकट, कर प्रणाली र जलवायु परिवर्तनमा देखिएको असरको बारेमा सुधार गर्ने बिषयमा पत्रकारहरुको भूमिकाको बारेमा छलफल हुने छ ।

सम्मेलनले अहिले देखिएको उर्जा संकट, आर्थिक संकट र न्याय प्रणालीमा दक्षिण एशियाली पत्रकारहरुको साझा धारणा बनाउन भूमिका खेल्ने विकास र बैदेशीक सहायता का लागि एसीयाली संठन (एपीएमडीडी) का संस्थापक सदस्य डाक्टर अर्जुन कार्कीले बताउनुभयो ।

सम्मलेनमा आ–आफ्नो देशको समस्या र अनुभवको आदान प्रदान हुने छ । दुई दिन सम्म चल्ने सम्मेलनमा नेपालसहित भारत, पाकीस्तान, श्रीलंका, बंगलादेश, फीलिपिन्सलगायत देशका ५० भन्दा बढी पत्रकारहरुको सहभागिता छ । एशियन प्रशान्त क्षेत्र विकास र अन्तर्राष्ट्रिय सहायता संठनले बर्षेनी दक्षिण एशियाली देशहरुमा पत्रकारहरुको सम्मेलन गर्दे आएको छ ।