Trending
Wednesday, February 18, 2026
दाङमा करेन्ट लागेर दुई जनाको मृत्यु भएको छ ।
भाउजूलाई करेन्ट लागेपछि बचाउन खोज्दा देवर–देवरानीको मृत्यु भएको हो ।
मुत्यु हुनेमा राप्ती गाउँपालिका–२ बाहुनेपाटा बस्ने २८ वर्षीय बासु गाहामगर र उनकी २५ वर्षीया श्रीमती हिमा गाहामगर रहेका प्रहरीले जनाएको छ ।
उनीहरुको घटनास्थलमै मृत्यु भएको इलाका प्रहरी कार्यालय भालुवाङले जनाएको छ । त्यस्तै २७ वर्षीया भिमा गाहा मगर पनि घाइते भएकी छन् ।
प्रहरीका अनुसार सोमबार दिउँसो कपडा सुकाउँदै गर्दा भिमा गाहामगरलाई करेन्ट लागेपछि उनकी देउरानी हिमा बचाउन पुगेकी थिइन् । तर हिमालाई पनि करेन्ट लाग्यो । त्यसपछि श्रीमतीलाई बचाउन पुगेका बासुले लठ्ठीले तारलाई हिर्काए ।
तर तार नै चुँडिएर उनको शरीरमा परेपछि दुवै जनालाई करेन्ट लागेको थियो । बासु र हिमाको घटनास्थलमै मृत्यु भएको प्रहरीले जनाएको छ । उनीहरुको शवलाई पोष्टमार्टमका लागि लमही अस्पतालमा राखिएको छ ।
सुरुमा करेन्ट लागेकी भिमाको भने अवस्था सामान्य छ ।
