नेपाली कांग्रेसका नेता तथा पूर्व राज्यमन्त्री दिपक खड्काले अपर अरुण आयोजनामा लगानी नजुट्ने भन्ने प्रश्न नरहेको प्रष्ट पार्नु भएको छ । संखुवासभा काठमाडौ पत्रकार समाजको कार्यालय ज्ञानेश्वरमा पत्रकारसंग कुरा गर्दे उहाँले लगानी जुटाउने जिम्मा आफूले लिन सक्ने पनि बताउनुभयो । लगानी जुट्दैन भनेर पन्छिनेहरुलाई आफूहरुले लगानी जुटाउने ग्यारेण्टी गर्ने बताउनुभयो ।

यो आयोजना संखुवासभाबासीको साझा र सिंगो मुुलुकको गौरवको आयोजना भएकाले लगानी नजुट्ने भन्ने प्रश्न नरहेको बताउनुभयो । हाईड्रोबिज्ञसमेत रहनुभएका पूर्व राज्यमन्त्री खड्काले लगानी जुट्दैन भन्ने नाममा आयोजना बनाउन बिदेशीलाई दिन नसकीने बताउनुभएको हो । यो आयोजना स्वदेशी लगानीमा बनाउने भन्नेमा आफू प्रष्ट छु । यसको पहिलो हकदार आयोजनास्थ अर्थात भोटखोलाबासी र संखुवासभाबासी भएको बताउनुभयो । खड्काले यो आयोजनालाई भोजपुरबासी, संखुवासभाबासी र सिंगो प्रदेश–१ को गौरवको आयोजनाको रुपमा अभियानको रुपमा अगाडी बढाउन सकीने बताउनुभयो ।

हामी सबै नेपाली मिलेर बनाउने हो । मैले भनेको छु संखुवासभाको ४० हजार घरधुरीले २० लाख रुपैयासम्म शेयर हाल्न पाउने व्यवस्था हुनु पर्छ । त्यसैगरी भोजपुरका झण्डै ६० हजार घरधुरीले पनि २० लाख रुपैया सम्म शेयर हाल्न पाउने व्यवस्था गरीनु पर्छ । प्रत्येक घर धुरीले शेयर हाल्न पाउनुपर्छ । झण्डै १ लाख घरधुरीले शेयर हालेपछि यो नबन्ने भन्ने अर्थात लगानी नजुट्ने भन्ने हुदैन् । बिहान बेलुकीको छाक टार्न समस्या हुनेकोसमेत शेयरमा ग्यारेण्टी गरीनु पर्छ । त्यो सहुलीयत दरमा ऋण उपलब्ध गर्नुपर्छ । सरकारले गर्ने फजूल खर्च मात्र पनि जनतालाई ऋण प्रवाह गर्न सक्यो भने यो बन्छ, सम्भव छ । त्यसको ग्यारेण्टी आफू गर्न तयार रहेको उहाँको भनाई छ ।

खड्काले पैसा हुनेले धेरै लगानी पनि गर्न सक्छन । यसमा पैसा जुटाउने जिम्मा यसैसंग सम्बन्धित बिज्ञहरुले लिने उहाँको तर्क थियो । यो प्रोेजेक्टको ग्यारेण्टी बस्न तयार छु । र सबै तयार रहनु पर्छ । तर, अभियान जनस्तरमा र प्रचार प्रसारमा लैजान अझै आवश्यक छ । तयारी अझै पुगेको छैन् । कमसेकम सबैले सुन्नु प¥यो । बुझ्नु प¥यो । कसरी सम्भव छ ? हामी दुईचार जना बसेर त हुदैन । सबैलाई बुझाउन सक्नु पर्छ र सबैको कानकानमा पुग्नु पर्छ । जनतामाझ यो पुग्नु प¥यो । अपर अरुणमा शेयर हाल्न सक्ने स्थिति सृजना गर्नुपर्छ । यो आयोजना बनेपछि सामान्य परिवारका व्यक्तिलाई खानकैलागि तड्पनु पर्ने अवश्था हुदैन् ।

यसले जिल्लाको मात्र हैन देशकै समृद्धि ल्याउन सम्भव छ । २ खर्ब रुपैया भन्दा कसरी जुट्छ भन्नेमा मान्छेलाई अत्यास लाग्न सक्छ ? तर, हामी सक्छौ । अत्यास लिनु पर्देन । अब कुन मोडालिटीमा बनाउने भन्ने प्रमुख कुरा हो । यसमा सबै राजनीतिक नेतृत्व, बिज्ञसमूह, सरोकारवालासबैको साझा धारणा आवश्यक छ । नपुगेको पैसा हामी जुटाउछौ, यो मेरो मिसन हो । उहाँको भनाई थियो । सामाजिक काममासेमत सकृय उहाँले हामी संखुवासभावासी भएकोमा गौरव गर्नु पर्ने पनि बताउनुभयो ।

कुनै दिन संखुवासभाको नागरिकता पाए भने ठूलै नागरिक हुन्थे की ? भन्ने दिन पनि आउन सक्ने तर्फ संकेत गर्दे जिल्लालाई समृद्ध बनाउनकोलागि जलस्रोतको प्रशस्त सम्भावना रहेको बताउनुभयो । निम्न आयस्रोत भएको समूदाय, व्यक्तिलाई बिकासको मुलधारमा ल्याउनु पर्ने उहाँको भनाई छ । १० प्रतिशत व्यक्ति सम्पन्न भएर जिल्ला सम्पन्न हुदैन त्यसैले बिकासमा सबैको समान पहुँच हुनु पर्ने उहाँको धारणा छ । यो अभियान जसले सुरु गरे पनि सबैको साझा अभियान हो । जसले गरे पनि हुने र यसमा सबैको समान धारणा बनाउनकोलागि बृहत छलफल आवश्यक छ । यो सकीन्छ र प्रमाणित गरेर देखाउनु पनि पर्छ ।

यो अभियानमा सामेल हौ, कुन मोडालिटीमा बनाउने हो । अरुले नेतृत्व नगर्ने हो भने म गर्न तयार छु । तर, स्वदेशी लगानीमा बनाउनुपर्छ । म बिश्वास दिलाएर अगाडी बढ्न सक्छु । त्यसैले अपर अरुण आयोजनामा कुनै दुुबिधा नपालौ र भ्रम पनि नछरौ । संखुवासभामा कति पैसा उठ्न सक्छ ? अझ अपर अरुण त सस्तो, कमक्षति हुने राम्रो आयोजना हो । सरकार ग्यारेण्टी बस्छ भने हामी पैसा खोज्छौ । यसमा व्यक्तिले क्रेडिट लिने होडबाजि भन्दा पनि सबैले क्रेडिट लिनु पर्छ । अर्थात समूहिक रुपमा अगाडि बढ्नुपर्छ । यस बिषयमा बिभिन्न निकायसंग परामर्श भई रहेको छ ।

उहाँले सरकारसंग पनि यस आयोजनाको बिषयमा आफूले कुरा राखिसकेको जानकारी दिनुभयो । त्यसैले यसका बिषयमा अझै पनि सञ्चारजगतबाट प्रभावकारी भूमिका निर्वाह गरीनु पर्छ । यस अभियानलाई देश व्यापी बनाउन मिडिया मार्फत जान सकीन्छ । सडक यसको पहिलो प्राथमिकता हो । यसले पर्यट प्रर्वद्धनमा पनि सहयोग गर्छ । त्यसैले सकरात्मक रुपमा अगाडी बढौ ।

सोमवार, ६ असार, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा