Trending
संखुवासभाको भोटखोलाका एक बालकलाई उपचारको अभाव भएपछि काठमाडौस्थित नेपाल भोटे महिला संघले आर्थिक सहयोग गरेको छ ।
अस्पतालमा उपचाररत ५ बर्षिय बालकको आर्थिक अभावका कारण उपचार हुन नसक्ने र फिर्ता लानु पर्ने स्थिति थियो । तर, नेपाल भोटे महिला संघ र त्यसकी अध्यक्ष ल्हाक्पा छेजिक भोटेले आर्थिक अभावका कारण बालकलाई उपचारबाट बञ्चित गर्नु हुदैन भन्दै तत्कालै १७ हजार ६ सय १० रुपैया संकलन गरी बिरामीका बुबा नाम्जा भोटेलाई अस्ताल पुगेर हस्तान्तरण गर्नुभयो ।
बालक छोराको उपचारमा आर्थिक समस्या झेल्दै आएका बुबा नाम्जा भोटेले तत्कालका लागि उपचार नरोकीएको भन्दै खुशी व्यक्त गर्नुभयो । उहाँले सहयोगि मनहरुलाई सहयोग गर्न पनि आग्रह गर्नुभयो ।
संखुवासभाको दुर्गम भोटखोला गाउपालिका–४ स्याक्सीलाका बालक पासाङ भोटेको शरिरमा तातापानीले पिल्सिएका कारण उन्को काठमाडौस्थित कान्ति बाल अस्पतालमा उपचार भई रहेको छ । नेपाल भोटे महिला संघले यस अघि पनि दुर्गम क्षेत्र र आर्थिक अभावमा परेका असहायको उपचारको लागि सहयोग गर्दे आएको छ । कोरोनाको समयमा समेत भोटे महिला संघले आर्थिक सहयोगसहित स्वास्थ्य सामाग्री बितरण गर्दे समाजमा चेतनामुलक काम गर्दे आएको छ ।
संघकी अध्यक्ष ल्हाक्पा छेजिक भोटेले संघले जिल्लाबासीलाई मात्र नभई अप्ठ्यारो परिस्थितिमा रहेका समूदायलाई सहयोग गर्दे आएको बाताउनुभयो ।