संखुवासभाको हटीयास्थित साल्दीम भ्याल्लीमा अन्तराष्ट्रिय सम्मेलन गरेर देखाउँछु : भोटे

संखुवासभाको भोटखोला गाउँपालिकाका अध्यक्ष वाङछेदर भोटेले गाउँपालिकाले शिक्षा, कृषि स्वास्थ्य,पर्यटन र जलस्रोत क्षेत्रलाई पहिलो प्राथमिकता दिने बताउनुभयो । संखुवासभा–काठमाडौ जर्नालिस्ट एशोसियसनको केन्द्रीय कार्यालय काठमाडौमा सञ्चारकर्मीसंग कुरा गर्दे उहाँले भोटखोला क्षेत्र शिक्षा र सञ्चारमा पछाडी परेका कारण पहिलो प्राथमिकता हुने बताउनुभयो ।

उहाँले त्यस क्षेत्रका बालबालिका सदरमुकामलगायत सुविधायुक्त ठाउँमा जाने क्रम बढेको भन्दै आफूले त्यहि सुबिधा दिएर बालबालिका पढाउने बताउनुभयो । उहाँले कानुन र पाँच बर्षे कार्यबिधि बनाउनको लागि समय खर्चीने पनि बताउनुभयो । अध्यक्ष भोटेले भोटखोला गाउँपालिकामा तलबमा मात्र ९२ लाख रुपैया खर्च हुने भन्दै बिकासमा आएको बजेट बिकास निर्माणमा लगाउने प्रतिबद्धता व्यक्त गर्नुभयो । उहाँले भोटखोला क्षेत्रमा बित्तिय स्रोत जुटाउनकोलागि हटीयास्थित साल्दीमभ्याल्लीमा अन्तराष्ट्रिय सम्मेलन गर्ने लक्ष्य रहेको खुलासा गर्नुभयो ।

मान्छेको पाईला नपरेको स्थान प्रकृतिको राजधानीको रुपमा रहेको भर्जिन क्षेत्रमा गरीएको अन्तराष्ट्रिय सम्मेलनले त्यस क्षेत्रको कायापलट गर्ने योजना भोटेको छ । त्यसकालागि आफूले लगानीको स्रोत खोज्ने पनि बताउनुभयो । तत्कालिन राजा बिरेन्द्र साल्दिम भ्याल्लीमा पुगरे मनोरञ्जन लिने गरेको भन्दै सुन्दरताको र जैबिक बिबिधताको खानीको रुपमा रहेको त्यस क्षेत्रको पर्यटन प्रर्वद्धन गरीने पनि बताउनुभयो । कृषि क्षेत्रको लागि हाईब्रीड रैथाने बालिलाई प्राथमिकता दिने उहाँको योजना छ । तरकारी नगदेबाली गाउँमै उत्पादन गर्ने र स्थानीय तहमा बजारको व्यवस्था गरीने उहाँको भनाई छ ।

अपर अरुण, किम्माथांका अरुणलागयतका कार्यक्रममा आउने कर्मचारी र बाहिरबाट आउने पर्यटकलाई यहिको तरकारी सागसब्जी किन्नु पर्ने व्यवस्था गरीने उहाँको भनाई थियो । आफू गाउँपालिका अध्यक्ष भएपछि आफूले पहिलेदेखि उठाउदै आएको उत्तरी क्षेत्रमा निषेधित जुन कुरा छ त्यसलाई हटाउन पहल गर्ने पनि बताउनुभयो । भोटेहरु पर्यटनसंग सम्बन्धित भएकाले त्यसक्षेत्रमा पर्यटक जान नपाउने र पर्यटकलाई निषेध गरीने व्यवस्था हटाउन पहल गरी पर्यटक आउने वातावरण बनाउने उहाँको योजना छ ।

पर्यटकीय सम्भावना भएको क्षेत्र भएकाले पर्यटकीय हवको रुपका बिकास गरीने उहाँको भनाई छ । उत्तरी क्षेत्रमा हेलिकोप्टर निषेध गरीएका कारण सुत्केरी र बिरामीको अवस्था दयनीय हुने गरेको र मृत्यु हुने गरेको भन्दै त्यस्तो प्रावधान हटाउन पहल गरीने पनि बताउनुभयो । सरकारले संखुवासभाको भोटखोलाको उत्तरीक्षेत्रको सिमामात्र किन निषेध गरेको भन्दै त्यसलाई खोल्न पहल गरीेने उहाँको भनाई थियो ।