नेकपा एमाले देउमाई नगरपालिकाका नगर प्रमुखका उमेदवार सूर्य पोखरेलले नगरलाई समृद्ध बनाउने दिर्घकालिन योजना बुन्नु भएको छ । आफ्ना योजनालाई उहाँले घोषणा पत्र मार्फत सार्वजनिक गर्नु भएको छ । अघिल्लो स्थानीय तह निर्वाचनमा बिजयी भएर पाँच बर्षको कार्याकाल सकीएसंगै पोखरेलले दास्रो कार्यकालमा नगरलाई थप समृद्ध बनाउने संकल्प गर्नु भएको हो ।

सामाजिक सुरक्षाको दायरामा नगरका सम्पूर्ण नागरिकहरुलाई समावेश गर्ने नीति अनुरुप जेष्ठ नागरिकलाई थप पोशाक सहयोग, मातृ शिशु स्याहार सहयोग, जटिल प्रकृतिका रोग उपचार पहुँच सहयोग, मुटुका भल्व फेरेका र मृगौला प्रत्यारोपण गरेका बिरामीलाई निर्वाह भत्ता, पहेंलो कार्ड प्राप्त गरेका अपाङ्गता भएका व्यक्तिलाई भत्ता, तेस्रो लिङ्गी र ४५ वर्ष नाघेका अविवाहित महिलालाई भत्ताको व्यवस्था गर्ने उहाँको प्रतिबद्धता छ ।

विद्यालयहरुमा भौतिक संरचनाको सुधार, शैक्षिक गुणस्तर र प्रविधिको विकास गरी गुणस्तरीय शिक्षा प्रदान गरिने घोषण पत्रमा छ । उज्यालो देउमाई कार्यक्रम अन्तरगत नगरपालिकाको ९० प्रतिशत घर बस्तीहरुमा यस अघि नै विद्युतीकरणको काम सम्पन्न गरिएको छ । घोषणा पत्रमा नगरका प्रशासनिक भवन निर्माण गरी सुविधा सम्पन्न बनाउने देखि लिएर डिजिटल देउमाई जस्ता प्रविधिका कुरा समेत जोडिएको छ ।

देउमाई नगरपालिकामाभएका सात वटै माध्यमिक विद्यालयहरुमा सुविधा सम्पन्न भवन तथा भौतिक संरचनाहरु निर्माण, ईन्टरनेट जडान, कम्प्युटर ल्याव, विज्ञान प्रयोगशाला तथा पुस्तकालयको निर्माण गरी सञ्चालनमा ल्याइएकोे छ ।भानुभक्त माविमा ईञ्जिनियरिङ्ग, जितपुर माविमा पशु विज्ञान, खान्द्रुङ्ग माविमा विज्ञान विषयलाई प्राविधिक विषयको रुपमा सञ्चालनमा ल्याइएको छ । बार्षिक ९ जना विद्यार्थीहरुलाई नगर प्राविधिक छात्रवृत्ति प्रदान गरिदै आएको छ ।यस पटकको घोषणा पत्रमा पोख्रेलले एक मावि एक प्राविधिक शिक्षा कार्यक्रम अघि सार्नु भएको छ ।

प्राथमिक स्वास्थ्य केन्द्र मंगलबारेमा अत्याधुनिक उपकरण, डिजिटल एक्सरे, भिडियो एक्सरे, एनालाइजर मेशिन लगायतका उपकरणहरु जडान गरी नागरिकलाई सेवा प्रदान गरिएको छ । नगरले मृगौला प्रत्यारोपण तथा मुटुका भल्व फेरेका बिरामीहरुलाई निर्वाह भत्ता वापत मासिक ५ हजार रुपैया उपलब्ध गराउदै आइएको साथै जटिल प्रकृतिका रोग लागेका बिरामीहरुलाई अस्पताल सम्म जानको लागि ५ हजार रुपेया बाटो खर्च स्वरुप उपलब्ध गराउदै आएको छ । नगरमा १५ शैयाको अस्पताल समेत निर्माण भैरहेको छ ।

उज्यालो देउमाई कार्यक्रमलाई पूर्णता दिन २८ सय विद्युतका पोल र त्यसमा लाग्ने तार तथा ट्रान्सफर्मर ब्यवस्था गरी नयाँ विद्युतीकरण तथा काठका पोलहरु विस्थापन गरिएको थियो । नगर भित्र २ वर्षमा काठको पोल रहित शत प्रतिशत घरधुरीमा पूर्ण क्षमताको उच्च भोल्टेज सहितको विद्युत सेवा उपलब्ध गराई उज्यालो देउमाई घोषणा पर्ने पोख्रेलको प्रतिवद्धतामा उल्लेख छ ।

६ सय ६० परिवारको नागरिक आवास कार्यक्रम अन्तरगत घर निर्माण गरिएको देउमाईमा एक वर्ष भित्रमा फुसको छानो रहित नगर घोषणा गरिने । नगरको समुचित बिकासका लागि पहिलो कार्यकालमा वाँकी रहेका अधुरा काम पुरा गर्ने उहाँको प्रतिबद्धतामा छ ।

शनिबार, २४ बैशाख, २०७९ गते

Comments

सम्बन्धित खवर

लोकप्रिय

धेरै पढिएको

संघर्षशिल युथ क्लबको दास्रो अधिवेशन सम्पन्न, अध्यक्षमा डुबा भोटे

किमाथांका नाका खोल्न परराष्ट्र मन्त्री साउदसँग सांसद दिपक खड्काको माग

संखुवासभाका अन्तराष्ट्रिय पदक विजेता नेपाली धावक निमेश गुरुङ सम्ममानित

राबा बैकको लोगोसंगै कार्यकारी प्रमुख किरण श्रेष्ठको तस्वीरले चुम्यो अफ्रिकाको चुचुरो

बर्दिवासको घाम बोलको गितमा गायक वाङछिरीङ भोटियाको अर्को सफलता

चुनौतिसंगै लाक्पा शेर्पा अर्को कीर्तिमान राख्न सातौ पटक मकालु हिमालको आरोहणमा

अन्तरपालिका स्तरिय फुटसल प्रतियोगिताको उपाधि धर्मदेबीलाई

प्रधानमन्त्रीसंग किम्माथांका नाका खोल्न माग गरेका छौ : वाङछेदर भोटे

आठ पटक सगरमाथा चढेका ज्याम्चाङ भोटेले हिमालबारे कीन भने यस्तो !

किमांथाका नाका यहि सेप्टेम्बरबाट खुल्ने अध्यक्ष वाङछेदर भोटेको खुलासा