Trending
Wednesday, April 30, 2025
भरतपुर महानगरपालिका ३ नारायणगढ कमलनगर चोकमा भीषण आगलागी भएको छ । आगलागीबाट करोडौं रुपियाँ बराबरको क्षति भएको पूर्वानुमान गरिएको छ ।
जिल्ला प्रहरी कार्यालय चितवनका अनुसार आगलागीबाट कमलनगर चोकमा रहेको तुल्सीराम सापकोटाकोे चार तले घरको भूई तलामा रहेका रहेका सात वटा पसलसहित पहिलो र दोस्रो तलाका पसलहरु समेतमा ठूलो क्षति पुगेको छ ।
बुधबार राती अन्दाजी २ बजे विद्युत सट भई भएको मानिएको उक्त आगलागी भरतपुर महानगरपालिकाका दुई, नेपाली सेनाको एक र पूर्वी चितवनको एक गरि चार वटा बारुणयन्त्रको कठीन प्रयास पछि बिहीबार बिहान ७ बजे मात्र पूर्ण रुपमा नियन्त्रणमा लिइएको हो ।
आगलागी पछि त्यहाँ पुगेको नेपाल प्रहरी, नेपाली सेना, सशस्त्र प्रहरी र स्थानीय बासिन्दाको ठूलो प्रसासले केही पसलका केही सामानहरु भने झिक्न सफल भएका छन् ।
आगलागीबाट भूईतलामा रहेका दुई कपडा पसल, दुई वटा जुत्ता पसल, दुई मोवाईल पसल र एउटा फेन्सी पसल पूर्ण रुपमा क्षति भएका छन भने पहिलो तलामा रहेका पसलहरु मात्र होइन भवनको पहिलो दोस्रो तला सम्म क्षति पुगेको छ ।
