देशभर थप १३६९ मा कोरोना संक्रमण पुष्टि, एकैदिन २२३८ जना निको हुदा १२ को मृत्यु

पछिल्लो २४ घण्टामा काठमाडौ उपत्यकामा ३२९ सहित देशभर थप १३६९ जनामा कोरोना भाइरस (कोभिड–१९) संक्रमण पुष्टि भएको छ ।

८ हजार ८८० जनाको पीसीआर परीक्षण गर्दा १०१३ जना र ३००० जनाको एन्टीजेन परीक्षण गर्दा ३५६ जना गरी १३६९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

उपत्यकाको काठमाडौमा २३५, ललितपुरमा ६४ र भक्तपुरमा ३० जना गरी कुल ३२९ जनामा संक्रमण पुष्टि भएको छ ।

यस्तै मन्त्रालयका अनुसार पछिल्लो चौबीस घण्टामा २२३८ जना सङ्क्रमित कोभिडमुक्त भएका छन् ।

यस्तै पछिल्लो २४ घण्टामा कोरोना संक्रमणबाट १२ जनाको मृत्यु भएको छ । योसँगै अहिलेसम्म् कोरोनाबाट मृत्यु हुनेको कुल संख्या ११८६४ पुगेको छ ।