देशभर एकैदिन २५२६ मा कोरोना संक्रमण पुष्टि, ८७२३ जना निको हुदा १६ को मृत्यु

पछिल्लो २४ घण्टामा देशभर थप २५२६ जनामा कोरोना भाइरस (कोभिड–१९) संक्रमण पुष्टि भएको छ ।

६ हजार ६५५ जनाको पीसीआर परीक्षण गर्दा १६०२ जना र ४४१८ जनाको एन्टीजेन परीक्षण गर्दा ९२४ जना गरी २५२६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

उपत्यकाको काठमाडौमा ५७०, ललितपुरमा १२० र भक्तपुरमा ५५ जना गरी कुल ७४५ जनामा संक्रमण पुष्टि भएको छ ।

यस्तै मन्त्रालयका अनुसार पछिल्लो चौबीस घण्टामा ८४२५ जना सङ्क्रमित कोभिडमुक्त भएका छन् ।

यस्तै पछिल्लो २४ घण्टामा कोरोना संक्रमणबाट १६ जनाको मृत्यु भएको छ । योसँगै अहिलेसम्म् कोरोनाबाट मृत्यु हुनेको कुल संख्या ११७९४ पुगेको छ ।