देशभर एकैदिन ३१७५ मा कोरोना संक्रमण पुष्टि, ८७२३ जना निको हुदा १४ को मृत्यु

पछिल्लो २४ घण्टामा काठमाडौ उपत्यकामा १५०९ सहित देशभर थप ३१७५ जनामा कोरोना भाइरस (कोभिड–१९) संक्रमण पुष्टि भएको छ ।

१० हजार २६ जनाको पीसीआर परीक्षण गर्दा २७४२ जना र २५७९ जनाको एन्टीजेन परीक्षण गर्दा ४३३ जना गरी ३१७५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

उपत्यकाको काठमाडौमा १२४९, ललितपुरमा १८३ र भक्तपुरमा ७७ जना गरी कुल १५०९ जनामा संक्रमण पुष्टि भएको छ ।

यस्तै मन्त्रालयका अनुसार पछिल्लो चौबीस घण्टामा ८७२३ जना सङ्क्रमित कोभिडमुक्त भएका छन् ।

यस्तै पछिल्लो २४ घण्टामा कोरोना संक्रमणबाट १४ जनाको मृत्यु भएको छ । योसँगै अहिलेसम्म् कोरोनाबाट मृत्यु हुनेको कुल संख्या ११७७८ पुगेको छ ।