भीमफेदी–कुलेखानी सडकखण्ड तीन दिन बन्द हुने

जिल्लाको भीमफेदी–कुलेखानी सडकखण्डमा कात्तिक १३ गतेदेखि तीन दिन सवारीसाधन अवरुद्ध हुने भएको छ।

हेटौंडाबाट भीमफेदी हुँदै काठमाडौंतर्फ जाने कुलेखानी सडकखण्डमा स्तरोन्नति गर्न दैनिक ४ घण्टा सवारीसाधन अवरुद्ध हुने भएको बागमती प्रदेशको भौतिक पूर्वाधार विकास मन्त्रालयअन्तर्गतको यातायात पूर्वाधार निर्देशनालयले जानकारी दिएको छ।

मन्त्रालयले बिहीबार एक सूचना जारी गर्दै भीमफेदी–कुलेखानी सडकखण्डमा कात्तिक १३ देखि कात्तिक १५ गतेसम्म दैनिक बिहान ११ देखि दिउँसो ३ बजेसम्म तीन दिन सवारीसाधन अवरुद्ध हुने जानकारी गराएको हो।

निर्देशनालयका निमित्त निर्देशक डा। सहदेव भण्डारीका अनुसार भीमफेदी गाउँपालिका–६ जुरीखेतदेखि चिसापानीगढी बीचको एघार घुम्ती क्षेत्रमा सडक साँघुरो, उच्च ग्रेडियन्ट तथा घुम्ती क्षेत्रमा अस्फाल्ट कंक्रिट पेभमेन्टको काम हुने भएकाले तीन दिन ४ घण्टा सबै प्रकार ९सुमो, मोटरसाइकल, स्कुटर, बस, ट्र्याक्टर आदि० लगायत सवारीसाधनमा रोक लगाउने भनिएको छ।

साथै निर्देशनालयले जारी गरेको सूचनामा सम्पूर्ण सवारीसाधनको आवतजावत बन्द गर्न सम्बन्धित निकायहरूमा समन्वय गरी निर्माणमा सहयोग पुर्‍याइदिन सबैसँग आग्रहसमेत गरिएको छ।

-रासस